கேப்டன் பதவியிலிருந்து விலகுகிறேன்…கோலி அதிகாரப்பூர்வ அறிவிப்பு!

2 months ago 138
செய்திக்கு கிரிக்கெட் செய்திக்கு செயலிக்கு

ஆஸ்திரேலியா, இங்கிலாந்து போன்ற அணிகள் ஒயிட் பால் மற்றும் டெஸ்டிற்கு என தனித்தனி கேப்டன்கள் வைத்திருக்கிறது. இருப்பினும், பலமிக்க இந்திய அணிக்கு கேப்டனாக விராட் கோலி மட்டுமே இருந்து வருகிறார். 

டெஸ்ட், ஒருநாள், டி20 தொடர் அடுத்தடுத்து நடைபெறுவதால், இவரால் கேப்டன்ஸி அழுத்தத்தை சரியாகச் சமாளிக்க முடியவில்லை என்றும், இதனால்தான் கடந்த இரண்டு வருடங்களாகச் சதமடிக்க முடியாமல் தவித்து வருகிறார் என்றும் கூறப்படுகிறது. 

இதனால் ஒயிட் பால், டெஸ்ட் அணிக்கு என தனித்தனி கேப்டன்களை நியமிக்க வேண்டும் என கோரிக்கைகள் எழுந்து வந்தது. அப்போதுதான் கோலியால் அழுத்தங்கள் இல்லாமல் விளையாடி, சதங்களை குவிக்க முடியும் என பலர் கருத்து தெரிவித்து வந்தனர்.

இந்நிலையில், அக்டோபர் மாதம் துவங்கவுள்ள டி20 உலகக் கோப்பை தொடர் முடிந்த உடனே, இந்திய டி20 மற்றும் ஒருநாள் அணிக்கு ரோஹித் ஷர்மா கேப்டனாக நியமிக்கப்படுவார் என்றும் டெஸ்ட் அணிக்கு மட்டும் கோலி கேப்டனாக இருப்பார் என்றும் பிசிசிஐ நிர்வாகி ஒருவர் பேட்டிகொடுத்திருந்தார். 

இதுகுறித்துப் பேசிய அவர், ‘‘கேப்டன்ஸி மாற்றம் குறித்து கோலியே அறிவிப்பார். அவர் பேட்டிங்கில் கவனம் செலுத்த விரும்புகிறார். இதற்காகத்தான் இந்த கேப்டன்ஸி மாற்றத்திற்கான முடிவு எடுக்கப்பட்டுள்ளது’’ எனத் தெரிவித்திருந்தார்.

இந்த செய்தி குறித்துப் பேசிய பிசிசிஐ பொருளாளர், அருண் துமல், “ ‘‘இதில் துளியளவு கூட உண்மையில்லை. கேப்டன்ஸி மாற்றம் குறித்து நாங்கள் எந்த முடிவினையும் எடுக்கவில்லை. யூகத்தின் அடிப்படையில் செய்திகள் வெளிவந்துள்ளன’’ எனத் தெரிவித்தார்.

இந்நிலையில், டி20 உலகக் கோப்பை தொடர் முடிந்தவுடன் இந்திய டி20 அணிக் கேப்டன் பதவியிலிருந்து விலகுவதாக விராட் கோலி அறிவித்துள்ளார். மேலும் ஒருநாள் மற்றும் டெஸ்ட் அணிக்கு கேப்டனாக தொடருவேன் என இன்ஸ்டாகிராம் பதிவு மூலம் தெரிவித்துள்ளார். இதனால், டி20 அணிக்கு விரைவில், ரோஹித் ஷர்மா கேப்டனாக பொறுப்பேற்பார் என கிரிக்கெட் விமர்சகர்கள் கருதுகின்றனர்.

மேலும் செய்திகளைப் படிக்க
பேஸ்புக்கில் செய்திகளை உடனுக்குடன் படிக்க